Psa 131 | NOP | STEP | Yahwe, nu foko tiŋale natok nadiwene loloŋ tuluguk, u agaŋ wabidapmagut. Tiŋa undugoŋ, nemek wapuhidok be nemek noli nadidakale mu tilat wondok nadigigine adi mu tilat.

Psalms 131

Me niŋdi nadisukiliti tiŋa netok nadiune foune Bepaŋ ninadiguk

1 Yahwe, nu foko tiŋale natok nadiwene loloŋ tuluguk, u agaŋ wabidapmagut. Tiŋa undugoŋ, nemek wapuhidok be nemek noli nadidakale mu tilat wondok nadigigine adi mu tilat.

2 Nu welenedi kulemaune momooŋ hinek hatat. Eyaŋdi miŋ kohoŋ foloŋ deihatak, wondok tuwolit hatat. Kaŋ walanedi maaŋ kulemaŋgoŋ hatak.

3 Isilaehi metam, hidi Yahwedok nadikunakunale timiiŋ u undugoŋ nadimiŋa hatiyaneeŋ, dapmandapmaŋnit mokit.